 👩🦰「好嬲呀，明明講好咗聖誕節前後可以放假架嘛，依家又話唔俾放，但就俾同Team另一個同事放，大石砸死蟹！」
當一個女性朋友咁樣說的時候，你地會點俾回應？ 可能係以下幾種... 🤪 出黎做野係咁架啦，你第日做佢個位，你咪可以話事囉 😏 唉... 係咁架啦，嬲咩呀，我地食餐好架啦。 🤓 你都唔係第一次咁講佢架啦喎，你老闆都唔係好人黎架啦，不如你試下投訴佢，大不了唔好撈，東家唔打打西家。 😯 ... 嗯嗯... 係呀？ 頭兩種似乎係想讓佢忍一時之氣，第一種話俾佢聽要勞力上位；第二種係想令佢忍氣吞聲；第三種提供一個解決方法，好似幫佢解決問題咁；第四種唔知點算，是旦應咗先，唔等對方自己消氣。 其實個女士係好嬲，佢好希望有人聆聽佢講野，同時真係明白佢嬲緊咩，點解咁嬲。其實佢老闆係咩人佢仲比我地清楚，佢要點喺個辦公室生存，佢可能仲要專家添。我地作為佢身邊嘅朋友，甚至係想留個好印象，覺得同我地係傾到偈，呢個時候只需要好留心咁聽佢講野，做好最基本的共情回應，對方就會好滿足，覺得你真係好明白佢架啦~
0 評論
|
RSS 訂閱